Irukurutzeta Fundazioa

Irukurutzeta Fundazioa 2021 urtean eratu zuten Bergarako Julian eta Martin Ecenarro anaiek. Fundazioaren xedea Karakateko, Kortazarreko, Irukurutzetako eta Agarreburuko natura eta historia-intereseko gunea berreskuratzea, mantentzea eta gizarteratzea da.

Fundazioak ondorengo lan-ildo nagusiak ditu:

• Mendiaren zaintza: fundazioko landa-lursailetan, sasiak, argoma, etab. garbitzen dira mendia baldintza egokietan mantentzeko.

• Animalien zaintza: fundazioarenak diren bertako animaliak, Pottoka eta Euskal Herriko mendiko zaldia, zaindu eta elikatzen dira eta animalientzako babestutako espazioa kontserbatzeko perimetroko hesolen konponketa egiten da.

• Bertako zuhaitzak landatzea: neguan, bertako zuhaitz berriak landatzen dira, hala nola pagoak, haritzak, artadiak, lizarrak, etab. Helburua bertako flora berreskuratzea eta mantentzea da.